29 Mar PAROLEIROS É O GRUPO GAÑADOR DO CONCURSO DE VÍDEO NA CATEGORÍA DE INFANTIL E PRIMARIA
O alumnado de 6ºB de primaria do CEIP Albeiros (Lugo) baixo o alcume Paroleiros gañou o concurso de vídeo do Correlingua coa seguinte proposta:
As nenas e nenos gañadores compartirán a xornada do premio co alumnado do CPI Cabo da Area de Laxe que gañou o concurso de BD. Xuntos visitarán o PAAR de Campo Lameiro pola mañá para logo pasar a tarde en Pontevedra, no Salón do Libro, onde teñen programada unha sesión de contacontos con Cris de Caldas e logo unha visita guiada ao Salón.
Desde a organización do Correlingua queremos darlle os parabéns aos Paroleiros do CEIP Albeiros por este vídeo tan elaborado e tamén agradecerlle a todo o profesorado e alumnado que nos enviou as súas propostas a súa participación nos concursos do Correlingua 2019. Esperamos as vosas propostas para o ano que vén!