12 Feb Corte Jazz
SeisporOito xurde no ano 2012 pola inquietude de buscar, descubrir e reivindicar novos xeitos de interpretar a música tradicional, tanto galega como doutros países do mundo.
Os integrantes de SeisPorOito vimos de estilos musicais diversos, misturando todos eles facemos a nosa música, pero sempre mantendo a raíz e a esencia da tradición.
O que nos move é a música da terra, facemos temas bailables, divertidos e cheos de enerxía e sentimento. Cortejazz, ten como base unha melodía tradicional, a cal, misturamos con melodías máis modernas de composición propia. Un ritmo de xota no que se pode bailar, cantar e que ten como obxectivo conseguir que a xente disfrute e interactue coa nosa música.