Favorita

Formada en 2018 e liderada pola poderosa voz de Saleta Fernández, FAVORITA é unha banda de directo que transita desde o pop ata o rock, pasando polo rhythm and blues e o jazzy, cun repertorio baseado en potentes temas propios cantados en galego e versións de cancións con voces femininas.

Nos últimos tres anos fixeron numerosos concertos en bares e pubs de todo o país e abriron a xornada de peche do Festival Revolta do Umia 2021, en Cuntis (Pontevedra).

En 2020 gravan, nos estudios E-disco (A Estrada) o single Reiniciando, canción orixinal creada para celebrar o XX Aniversario da Asociación Dano Cerebral Adquirido SARELA, de Santiago de Compostela.

Con Alberto Torres á batería, Fran Campos á guitarra e Fran Rei ao baixo, este cuarteto ofrece divertidos concertos nos que revisitan temas populares de Amy Winehouse, Rihanna, Green Day, Britney Spears ou Amparanoia, que o público recoñece e corea, intercalando algún tema propio e adaptacións.