Correlingua | O Correlingua lanza un ano máis o concurso cantalingua para escoller os grupos que actuarán nas súas festas finais
17729
post-template-default,single,single-post,postid-17729,single-format-standard,qode-news-1.0,qode-quick-links-1.0,body_edicion-2014,body_noticias,body_o-correlingua-lanza-un-ano-mais-o-concurso-cantalingua-para-escoller-os-grupos-que-actuaran-nas-suas-festas-finais,ajax_fade,page_not_loaded,,transparent_content,qode-child-theme-ver-1.0.0,qode-theme-ver-13.1.2,qode-theme-bridge,wpb-js-composer js-comp-ver-5.4.5,vc_responsive

O Correlingua lanza un ano máis o concurso cantalingua para escoller os grupos que actuarán nas súas festas finais

O Correlingua lanza un ano máis o concurso cantalingua para escoller os grupos que actuarán nas súas festas finais

O concurso esá destinado a grupos ou solistas que teñan como lingua o galego e está premiado con 10 actuacións musicais nas festas do Correlingua.

O xuri estará formado por alumnado de centros de ensino participantes no Correlingua.


Santiago de Compostela. 20 de decembro de 2014-. Como todos os anos o Correlingua, actividade escolar de normalización e dinamización lingüística organizada pola CIG-Ensino, a Asociación Socio-Pedagóxica Galega,a Mesa pola Normalización Lingüística, os Concellos de Lugo, Ourense, Pontevedra e Vigo coa colaboración da Área de Cultura da Deputación de Lugo,  lanza o concurso musical Cantalingua para escoller, entre os participantes, os grupos que actuarán nas festas do Correlingua.

O Cantalingua está premiado con 10 actuacións que se repartirán entre tres finalistas, terán lugar entre o 5 e o 16 de maio en diferentes vilas e cidades galegas, e están dirixidas ao público escolar que participará no Correlingua.
As cancións que se presenten serán avaliadas por alumnado de centros inscritos no Correlingua.

Con este concurso o Correlingua ten  como obxectivos servir de canle de difusión da música galega actual, especialmente de grupos ou solistas amadores, e facilitar o achegamento da mocidade ao gran traballo que se está a desenvolver a nível musical no noso país.

Os grupos ou solistas que desexen presentarse deberán enviar unha canción en formato mp3, xunto cunha reseña, fotografía e datos ao enderezo correlingua@correlingua.org . O público poderá ouvir e descargar as cancións en www.cantalingua.org .



Boletín de novidades

18

anos

200

centros

40000

rapazas e rapaces

2000

quilómetros